«Повесть зело полезна, выписана от древних летописцов, из римских кронников, коя царица, моляся пресвятей Богородице, спасена бысть от смерти»
конец XVII века
«Библиотека литературы Древней Руси» Том 15
Поддержите канал / Donate HomiliaTV:
Бысть в палестинскихъ странахъ, в некоемъ граде велице царь, благочестивъ и славенъ зело, имея у себя матерь, поимъ себе жену, благочестиву и добронравну, бяше бо образомъ лепа, и велми любляше ю, живяста оба вкупе, во страсе Божий по закону. Мати же царева завиствуя на царицу, невестку свою, яко любитъ ея царь и за добродетель ея почитаема бе от всехъ, и не любяше ея, и мысляше всегда во уме своемъ на ню пакость навести, и печашеся о томъ всегда.
По временехъ же некоихъ благочестивая та царица роди чадъ своихъ, два сына-близнеца. Царь же о семь радостенъ бысть, рождения ради чадъ своихъ, и востав, иде в церковь Божию с велможи своими, и нача молебная совершати Господеви о благополучении своемъ и о здравии чадъ своихъ, и моляше Бога, и благодаряше его с радостию. Мати же царева обрете тогда подобно время злобе своей и научениемъ вражиимъ нача смышляти, да наведетъ на царицу пагубу. Призва к себе от царевы полаты мужа некоего, доброродна теломъ, и рече ему с ласканиемъ: «Сотвори ныне повеленное мною, и азъ ти честь воздамъ велию и сподоблю тя велика сана, токмо сохрани мною заповеданная крепъце». Он же рече: «Что есть, госпоже-царицъ, хотение твое?» Она же рече ему: «Иди ныне в полату к царицы, идеже почиваетъ, и возлязи с нею на одре». Он же рече: «Не могу сего не токмо сотворити, но ни помыслити на такое злое дело, аще царь увестъ, что будетъ? Всяко убиетъ мя». Она же рече: «Не бойся, токмо послушай, азъ тя избавлю от руки царевы, и не сотворитъ ти ничтоже зла, веси бо, яко мощно ми есть. Послушай, сотвори волю мою, не веси, чимъ тя прославлю и почту». Он же велми отрицашеся, не хотя сотворити такова зла дела. Она же, злая ехидна, велми нудяше мужа того и прещаще ему смертию, аще не сотворитъ тако, и многими муками прещаще ему. Он же отрицашеся и убоялся, немогий ея прещения преслушати, давъ ей слово тако сотворити.
Она же, востав скоро, и веде его в полату ко царицы, предстоящимъ же девамъ повеле отступити и заповеда имъ, да ничтоже глаголютъ о приходе ея, прещаще им смертию. И откры завесу, идеже царица опочиваше, по рождении младенцовъ спяше бо крепце, от истомления и от напоения не чуяше прихода ихъ. Мати же царева повеле ему возлещи на одре без гащь, он же, послушавъ злыя тоя и лукавыя змии-матере царевы, по повелению ея возлеже на одре к царицы безъ гащь. Царицы же ничтоже о семь ведущу и не разумъ злохитрства свекры своея крепкаго ради сна.
Лукавая же ехидна и злокозненная змия в то время изыде от царицы ис полаты и скоро иде в церковь не по обычаю, якоже достоитъ...
1 view
333
81
5 months ago 00:09:07 1
Рассказ старушки о катастрофе 18 века. Наш мир погиб
5 months ago 00:14:19 1
“Ася“, И.С. Тургенев 🌱 САМОЕ ПОДРОБНОЕ краткое содержание АНИМАЦИЯ
5 months ago 00:02:46 1
Люди Святой Руси были и будут Волшебно Могучими!
5 months ago 11:56:01 1
ЗАПИСКИ ИЗ МЁРТВОГО - ДОСТОЕВСКИЙ ФЕДОР МИХАЙЛОВИЧ
5 months ago 01:21:35 1
Вызываем огонь на себя. Серия 3 (военный, реж. Сергей Колосов, 1963 г.)
5 months ago 00:05:21 1
Зурбаган (1986) Владимир Пресняков
5 months ago 01:29:56 1
Повесть о настоящем человеке (1948)
5 months ago 02:14:11 1
Кафедра. Фильм по повести И. Грековой (1982)
5 months ago 02:08:00 1
Фильм ЕЖИ ГОФМАНА. “ЗНАХАРЬ“ (1982). Широкоформатная версия.
5 months ago 00:30:12 1
Сказ Велеса о том, как знания получать из источника Вселенского…
5 months ago 00:07:03 1
КАК ИНФОЦЫГАНЕ ПРОДАЮТ ВОЗДУХ: разбираем схемы продаж и их курсы — Oh, цифровая гигиена
5 months ago 00:54:57 1
Дядюшка Ау. Мультфильм. Все серии (1979)
5 months ago 00:02:13 1
“Я тебя поцелую... потом... если захочешь“. Здравствуйте, я ваша тетя! (1975)
5 months ago 01:50:48 1
Любовь в Старокороткино. Виль Липатов. Радиоспектакль 1981год.
5 months ago 00:03:32 1
Евгений Дога - Вальс (GloriaMusicVideo)
5 months ago 02:03:52 1
Очарованный странник. Художественный фильм с Александром Михайловым. Верую @user-gw3kj1lb7j