Ціханоўская: “Я ствараю пераходны кабінет як нацыянальны орган улады Рэспублікі Беларусь“

“Я буду гарантам правоў беларускага народа“. Святлана Ціханоўская @Светлана Тихановская стварыла пераходны кабінет як нацыянальны орган улады Рэспублікі Беларусь. “Я, Святлана Ціханоўская, на аснове паўнамоцтваў, дадзеных мне беларускім народам у выніку прэзідэнцкіх выбараў 2020 года, бяру на сябе адказнасць з сённяшняга дня адстойваць незалежнасць і нацыянальныя інтарэсы Рэспублікі Беларусь. Я буду выконваць абавязкі прадстаўніка беларускага народа і гаранта ягоных правоў і свабодаў да новых выбараў. Я ствараю пераходны кабінет як нацыянальны орган улады Рэспублікі Беларусь. Сёння зранку Расея напала на Ўкраіну, парушаючы фундаментальныя прынцыпы міжнароднага права. У гэтым вераломным акце агрэсіі была задзейнічаная беларуская тэрыторыя і Ўзброеныя сілы Беларусі. Лукашэнка і яго рэжым цалкам падзяляюць з прэзідэнтам Расеі адказнасць за гэтую вайну. Нелегітымны кіраўнік Беларусі ўвёў замежныя войскі і зрабіў нашую краіну непасрэдным удзельнікам канфлікту. Гэта дзяржаўная здр