Анаша шөп шегудің діндегі үкімі қаңдай?

Анаша – «марихуана» және «гашиштің» жаргон тіліндегі атауы. Деректерге қарағанда, «анаша» сөзі орыс тілдес қоғамда 20 ғасырдың 70-ші жылдары, Шу аңғарынан аталмыш есірткі өнімінің көп мөлшерде жасырын тасымалдана бастауымен қолданысқа енді. Көп ұзамай Ш. Айтматовтың «Плаха» романының арқасында «анаша» сөзі тек адамдар арасында ғана емес, әдебиет тілінде де қолданысқа ие болды(). Бұл атау қазақ тіліндегі «наша» сөзінен туындаған болуы мүмкін. Наша – кенепшөп тұқымдасына жататын біржылдық жабайы, шөптесін өсімдік және осы өсімдіктің белгілі бір түрінің жапырағын кептіру арқылы дайындалатын, шылым ғып тартқан кезде басты айналдырып, елітетін улы зат, есірткі(Наша – Рақат, ләззат деген мағыналарды да білдіреді. (Қазақ тілінің әмбебап сөздігі). Есірткі - шариғатта ауыр күнә. Үкімі – Харам. Құран Кәрімде айтылған шараптың харам болуының негізгі себебі: адамды мас қылып, ақылынан адастыру ерекшелігінің болуы деп алсақ, олай болса, есірткінің де үкімі – ішімдіктің үкімімен пара-пар деуге негіз бар