Таатта ууһа Алексей Харайданов

«Түөрт уонча сыл эйигин күүппүтүм» - диэн учуутала, уһуйааччыта, саха музыкальнай тэриллэрин тилиннэрбит аатырбыт уус Өлөксөй Чахов кэскиллээх, улахан эрэллээх этиитэ билигин да кулгаахпар иһиллэр курдук, диэн сэһэргэһиибитин саҕалыыр Таатта улууһун Игидэй нэһилиэгин олохтооҕо Алексей Харайданов. Удьуор уус отучча сыл сүтэ сыспыт, умнууга хаалан симэлийэр суолга киирбит саха төрүт музыкальнай тэриллэрин сөргүтүүнэн, оҥоруунан дьарыгырар. Кини ыччакка, кэлэр көлүөнэҕэ анаан кэскиллээҕи, үйэлээҕи айар. Мааны киһи төрдүн-ууһун, аҕа олоҕун салҕааһын, туйаҕы хатарыы, олоххо бэйэ миэстэтин көрдөнүү, аармыйаҕа уһаарыллыы, оҕону төрүт дьарыкка уһуйуу туһунан кэпсээнин Үлэ сылыгар аналлаах биэриибитигэр сэргээн истиҥ, көрүҥ.