Былыргы оонньуулар

Cаха төрүт оонньуулара өбүгэ мунньубут духуобунай баайын тиэрдэллэр. Дириҥник хасыһан үөрэтэр эбит буоллахха, үгүс оонньуу билигин умнуллубут. Биэрииттэн көрөөччү төрөөбүт норуотун үгэһин туһунан чиҥ билиини ылыа. Былыргы оонньуулары хайдах оонньуур этилэрэй, ханнык оонньуулар баалларай, туох суолталаахтарай? Итини барытын бу биэрииттэн билиэххит. Оонньууларга түҥ былыргы мифологическай өйү-санааны, сиэри-туому, итэҕэли кытта ыкса ситимнээх кистэлэҥнэрин арыйыаххыт. Холобур, “Тойон” диэн оонньуу ыйытыы-хоруй халыыбынан оонньонор, кыыллар бэлиэлэринэн (зоосимволика) булчут уолаттары булка уһуйарга анаан сиэр-туом ыытар оонньуулара буолара сабаҕаланар. Көрүҥ, сэргээҥ, тарҕатыҥ, төрөөбүт тылгытын, үгэскитин үөрэтиҥ! Биэриигэ кытыннылар: Афанасий Федоров, алгысчыт, саха оонньуутун чинчийээччи Ангелина Кузьмина, тыл билимин хандьыдаата Надежда Белолюбская, Баьылай Манчаары аатынан успуорт төрүт көрүҥнэрин киинин остуол оонньууларыгар тириэньэрэ И.С. Гурвич түһэрбит хаартыскалара. СӨ Национальнай бибилэтиэкэтин пуондата Баһылай Манчаары аатынан успуорт төрүт көрүҥнэрин киинин остуол оонньууларыгар отделениетын иитиллээччилэрэ: Сахаян Уранаев Эрчим Кириллин Люба Соловьева Богдан Журавлёв Айыына Ермолаева Диана Мултусова «Саха этигэн тыла» саайт «Саха этигэн тыла» телеграм ВК Почта ostyoryja_2019@