“Кызыл таң”да гүзәл затлар тәбрикләнде

Халыкара хатын-кызлар көне язның иң күңелле бәйрәмнәренең берсе санала. Бу көнне ир-егетләр барлык асыл затларга аеруча игътибарлы һәм ихтирамлы булырга тырыша. Бәйрәм алдыннан “Кызыл таң” нәшриятында хезмәт салучы ир-егетләр дә хатын-кыз хезмәттәшләре өчен эш көне башланганчы ук күңелле сюрприз оештырды - Матбугат йортында чибәрлекләре белән болай да аерылып торучы, ә бу көнне аеруча матур итеп бизәнеп-ясанып килгән “Кызыл таң“ гәзите, “Тулпар“ һәм “Әллүки“ журналлары хатын-кызлары өчен баш мөхәррир бүлмәсендә бәйрәм табыны оештырылды.