Баатрлг дуулвр «Җаңһр»-ин баатрмудын зер-зев

Өөрд-хальмг улс – дәәчң улс мөн. Суут Богд Чиңгс-хаана цергчнр болад, олн улсиг дәәлҗ дорацулсмн. Бат-хааг дахад, Зүн Европин улсиг эврә алвт болһсмн. Чиңгс-хаана ач Хулагуг дахад Хазлбш эс гиҗ өдгә цагин хальмг келәр Персь һазрт бәәдг улсиг дорацулсмн. Ассасин холваг чигн мана өвкнр диилҗ. Иҗл мүрнд нүүҗ ирсн цагас авн олн дәәнд орлцсмн. Тиим дәәчң улс олн зер-зевдән дурта. Хамгин сән зер-зевин туск «Җаңһр»-т келгднә.