У Шавулічах адбыўся мітынг-рэквіем, прысвечаны 78-й гадавіне трагедыі вогненнай вёскі

…Толькі аднойчы на год, на Купалле, зараз вуліцы гэтай вёскі напаўняюцца людской гамонкай. На вялікі жаль, гамонка гэта зусім не святочная, не купальская — яна напоўнена незабыўнай тугой, болем па спаленай вёсцы і яе жыхарах. А калісьці, да 1943-га, тут святкавалі Купалле і вяселлі, кахалі, нараджалі дзяцей, сеялі жыта і расцілі лён. Адна чорная ліпеньская раніца ўмомант змяніла ўсё.