Туой иһити оҥоруу сиэрэ-туома

Саха сиригэр б.э.и. 5-4 тыһ. сыл анараа өттүгэр оҥоһуллубут туой иһиттэр көстүбүттэр. Хас биирдии үйэҕэ ньымата уларыйан испит. Холобур, Сыалаах култууратын кэминээҕи иһиттэр сиэккэлии уруһуйдаахтар, б.э. II-с үйэтин саҕаланыытыгар эрдэтээҥҥи тимир үйэҕэ тыҥырахтарынан оҥута баттыалаан араас быһыылаах оһуордары оҥорор буолбуттар. Күөс иһитин оҥоруу ураты сиэрдээх-туомнаах. Оҕо төрөөтөҕүнэ, киниэхэ анаан оҥоттороллоро. Ылыахтарын иннинэ күөсчүттэн ыйыталлара: “Хайа бии кырабыт анала хайаата? Кэллэ дуу, суох дуу?». Онуоха алдьамматах, хайдыбатах буоллаҕына: “Ыбаахтаахха дылы!», – диэн хоруйдуура күөсчүт. Оччоҕо сакаастаабыт киһи үөрэрэ. Алдьаммыт, хайдыбыт буоллаҕына, куһаҕан бэлиэ буолара. Бу биэрииттэн туой иһит сиэргэ-туомҥа суолтатын, үөрэтии устуоруйатын уонна хайдах оҥоһулларын, ньымаларын билиэххит. «Саха этигэн тыла» саайт «Саха этигэн тыла» телеграм ВК Почта ostyoryja_2019@