Филми “Шарора дар хокистар“. | Филми ҳуҷҷатӣ дар бораи таърихи Табошар.

Табошар ё Швейтсария хурдакак. Филми мазкур аз таърихи шаҳри Табошар (Истиқлол) қисса мекунад. Дар он сокинони шаҳр аз таъриху маданияти ин шаҳр мегӯянд. Табошарро ватани Уран низ меноманд ва Курчатов низ ба инҷой сафар намудааст. Шаҳраки Табошар дар домани кӯҳҳои Қурама (сарҳади шимолии вилояти Суғд) ҷойгир аст. Шаҳр дар собиқ аз мавзеъҳои тараққикардаи саноатӣ ба шумор мерафт ва “Швейтсарияи хурдакак”-аш ҳам меномиданд. Сокинони таҳҷоии шаҳр мегӯянд, ин ҷо Товошар аст ва аз таркибҳои турки-узбекии Тов (вайроншудаи тог) –кӯҳ ва –ошар гузаштан иборат буда, маънои гузаргоҳи кӯҳиро дорад. Байни мардум оиди топономи Табошар ривояти дигаре низ ҳаст. Аз сабаби он ки шаҳр дар баландии 1100 м аз сатҳи баҳр ҷойгир аст, ҳангоми ба шаҳр омадан фишори хуни кас баланд мегардад. Ва шарҳ медиҳанд, ки гуё Табошар аз таркибҳои Тов (лаҳҷа – Таб) ва ошар (баланд шудан) сохта шуда маънои баланд гардидани таб-фишори хунро дорад.