Беларускае кіно на “Берлінале“ | Белорусское кино на “Берлинале“

У секцыі Special Берлінскага кінафестывалю ўпершыню будзе паказаная беларуская стужка. Гэта дакументальны фільм “Кураж“ рэжысёра Аляксея Палуяна — пра беларусаў і беларускія падзеі 2020 года. Карціна здымалася на працягу трох гадоў, а яе галоўнымі героямі сталі акцёры “Свабоднага тэатра“. “Вельмі сімвалічна, што фільм пра беларускі боль і змаганне беларускага народа за свабоду трапіў менавіта на Берлінскі кінафестываль. Гэта горад, які быў распаласаваны на дзве краіны праз Берлінскі мур. Хто, як не берлінцы, ведае, колькі насамрэч каштуе свабода“, — напісаў Аляксей у сваім фэйсбуку. Пра здымкі “Куражу“, “новых“ беларусаў, “Берлінале“, кіно ў часы пандэміі і іншае гутарым з Аляксеем Палуянам.