Калфак туе 2023 “Дастаннар елы“

7-8 ел эчендә байтак кына концертлар, төрле сәхнә чараларын үткәрүдә катнашырга туры килсә дә, әлеге эшләргә ничектер салкынырак караш иде. Бәлки сәхнә режиссурасын үземнеке итеп кабул итеп бетермәү, ә бәлки башка сәбәпләр, сценарист, режиссер буларак үземнең исемне артык яктыртырга тырышмый идем. Әмма бу чарага игътибар итүегезне сорыйм. “Кан тартмаса, җан тарта” диләр бит. Салкын караш белән генә алынган дастаннар, элеккеге музыка уен кораллары тематикасына бервакыт кереп чумганымны сизми дә калдым. Сездә карап карагыз әле, меңәр еллык тарихы булган дастаннар турындагы әлеге чара Сездә нинди фикерләр уятыр?