Леснинская икона Божией Матери

Служба общая Пресвятой Богородице, в честь святого Ея образа Припев: Пресвята́я Богоро́дице, спаси́ на́с. Память: 21 сентября (08 сентября ст. ст.); 27 сентября (14 сентября ст. ст.) --- Акафист Пресвятой Богородице пред иконой «Леснинская» Память: 21 сентября (08 сентября ст. ст.); 27 сентября (14 сентября ст. ст.) __ Тропарь Пресвятой Богородице пред иконой Ея «Леснинская» , глас 4. К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний,/ не отврати́ Твоя́ рабы́ тщи,// Тя бо и еди́ну наде́жду и́мамы. Кондак Пресвятой Богородице пред иконой Ея «Леснинская» , глас 6. Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя. Величание Велича́ем Тя, Пресвята́я Де́во, Богоизбра́нная Отрокови́це, и чтим о́браз Твой святы́й, и́мже то́чиши исцеле́ния всем, с ве́рою притека́ющим. Молитва Пресвятой Богородице пред иконой Ея «Леснинская» Цари́це моя преблага́я, наде́ждо моя́ Богоро́дице, прия́телище си́рых и стра́нных предста́тельнице, скорбя́щих ра́досте, оби́димым покрови́тельнице! Зри́ши мою́ беду́, зри́ши мою скорбь, помози́ ми я́ко не́мощну, окорми́ мя я́ко стра́нна. Оби́ду мою ве́си, разреши́ ту, я́ко во́лиши: я́ко не и́мам ины́я по́мощи ра́зве Тебе́, ни ины́я предста́тельницы, ни благи́я уте́шительницы, то́кмо Тебе́, о Богома́ти, я́ко да сохрани́ши мя и покры́еши во ве́ки веко́в. Ами́нь.