«Яндекс-гочдархо»

Хууш ма-хиллара, карарчу хенахь Нохчийн Республикин дешаран а, Ӏилманан а министерствон Нохчийн меттан институтехь нохчийн-оьрсийн а, оьрсийн-нохчийн а онлайн-дошам («Яндекс-гочдархо») вовшахтохаран болх дӀахьош. Билггала аьлча, и болх беш къахьоьгуш бу Пайдехьчу меттаIилманан туьшан белхахой. Тахана рогӀера белхан кхеташо дӀайаьхьира цара. Шайн балхах лаьцна мелла а шуьйра довзуьйту Пайдехьчу меттаIилманан туьшан куьйгалхочо Бадаева Ӏайшата.