Պատերազմը ցույց տվեց, որ տեխնոլոգիաների դար է. Գյումրիում դեռահասները խելացի համակարգեր են ստեղծում

Հայաստանի մարզերում ապրող 16-17 տարեկան դեռահասները «Խորը ինժեներական կրթական ծրագրի» շրջանակում նորագույն տեխնոլոգիաների կիրառմամբ մի շարք պրոդուկտներ են ստեղծել։ Ծրագիրը մեկնարկել է 2021 թվականի փետրվարին Շիրակի մարզում։ Առաջին տարվա հաջողությունից հետո ծրագիրն ընդլայնվել է, այնուհետև ծավալվել է Լոռու և Արմավիրի մարզերում։ Դեռահասները ստեղծել են հեռախոսի հավելվածով կառավարվող հյուրատուն, խելացի սենյակ, «Բագի» տեսակի մեքենա ու մի շարք այլ նախագծեր։ Այժմ դեռահասներն աշխատում են ինքնակառավարվող ջերմոցային համակարգ ստեղծելու ուղղությամբ։ Համակարգն ինքը կստուգի ջերմոցի խոնավությունը, ջերմաստիճանը` ըստ նախապես տրված նշումների։ Այստեղ սովորող դեռահասները նաև կրթություն են ստացել այլ ծրագրերի շրջանակներում։ Ձեռք բերված գիտելիքները ցանկանում են կիրառել նաև այս կրթական ծրագրի շրջանակում։