Սարյանի երազանքը․ վերադարձնել Արարատը ժողովրդին

Հայ մեծանուն նկարիչ Մարտիրոս Սարյանի ծննդյան օրվա առթիվ նրա տուն-թանգարանի գլխավոր ֆոնդապահ, Սարյանի թոռնուհի Սոֆյա Սարյանը Sputnik Արմենիայի հետ զրույցում ներկայացրել է նկարչի ծննդյան ստույգ օրվա պատմությունը։ Հենց 4 տարին մեկ անգամ ծնունդը նշելով էր Սարյանը կատակով բացատրում իր երկարակեցության գաղտնիքը։ Բնութագրելով պապին՝ թոռնուհին կարևորել է նրա համեստությունը, անխռով ու խաղաղ էությունը, մարդասեր տեսակը։ Երբ ԽՍՀՄ նախարարների խորհրդի նախագահ Ալեքսեյ Կոսիգինը Սարյանից նվեր ստացավ Արարատը պատկերող նկարը, վերջինս հարցրեց՝ ի՞նչ կարող է փոխարենն անել։ «Ես նվիրում եմ Ձեզ նկարը, Դուք կկարողանա՞ք վերադարձնել իմ ժողովրդին բնօրինակը», - ասել է Սարյանը։ Սոֆյա Սարյանն անդրադարձել է նաև ֆոնդի համալրմանն ու հերթական տարեդարձին նվիրված միջոցառումներին։