Рамазандин вацран гьуьрметдай

Рамазандин вацра Дагъустандин жуьреба-жуьре районранни шегьерра мергьяматлувилин жуьреба-жуьре мярекатар кьиле фена. Ихьтинбурукай сад 14-апрелдиз СтIал Сулейманан районда, «Там-там» тIвар алай ресторандани тешкилнавай. ЦIи пуд лагьай сеферда кьиле фейи и мярекат тешкилнавайбур чпин бине Агъа ва Кьулан СтIалрилай тир карчияр, «Лезги газетдин» амадагар Мурад Мегьамедкеримовни Разим Пирмегьамедов тир.