İran: islahat, yoxsa inqilab?

İranda 1979-cu ilin fevralında baş vermiş İslam İnqilabının 44-cü ildönümü tamam olur. Əslində həmin inqilaba islam inqilabı deyilməsi şərti xarakter daşıyır, çünki o dövrdə şah rejimi əleyhinə və ölkənin xarici qüvvələrdən asılılığına qarşı mübarizədə cəmiyyətin bütün təbəqələri, İranın ən müxtəlif siyasi təşkilatları iştirak edirdi. Təsadüfi deyil ki, bir çox mütəxəssislər elə həmin dövrdə İranda baş verənləri xalq inqilabı adlandırırdılar. Lakin Xomeyninin rəhbərliyi ilə İran cəmiyyətində xüsusi zümrə şəklini al