Այդ ո՞վ է ասել ` նորից են սիրում:
Նորի՛ց չեն սիրում ,սիրում են կրկի՜ն...
Ու երբ մինչևիսկ ալյուրից (դեռ տա՜ք)
Դու նո՛ւյն մարմինն ես հիշում բնազդով,
Երբ հոտն էլ սուրճի նրա՛ն հիշեցնում
Եվ քո գունազարդ քնի փոխարեն
Անքնություն է փռում սպիտակ.
Երբ աստղերն իրենց կլորակ սանրով
Մազերդ են սանրում ,իսկ դու վերստին
Շոյանքի սովոր քո մազերի մեջ
Նո՛ւյն հանգստարար մատերն ես զգում .
Երբ օտար մեկի շարժումի ,դեմքի
Նմանությունը հեռու -- մոտավոր
ոտներդ է ասես դնում գիպսի մեջ,
Իսկ միտքդ բեկում այնպե՛ս կտրական,
Ինչպես լույսերի վետվետումներից
Երկաթգծերն են կարծես ջարդոտվում.
Երբ անձրևներից հողն է ասես թթվում
Եվ ստիպում է ռունգո էլ զգալ,
որ մենակ ես դու իբրև մի ... Իգրեկ,
Իսկ ինչ-որ մի տեղ կամ հենց քո կողքին
Կա մի Իքս ուրիշ ,առանց որի դու
Խնդիր չե՜ս կազմի,ո՛չ էլ կլուծես ,-
Մի՛շտ ,ամե՜ն անգամ պաշարում է քեզ
Նույն զգացումը անճեղք ու անդուռ,
Եվ հասկանում ես ,որ մարդն ,ի վերջո,
Նորի՛ց չի սիրում ,սիրում է կրկի՜ն,
Քանզի կա մթին մի կախյալություն
Ջղի և արյան ,հոգու ու կրէի .
Քանզի նշանը հանման -- գումարման
Այդ մե՛նք չենք դնում լուծվելիք խնդրում.
Քանզի թեպետև բախտ մենք ենք փնտրում,
Բայց բա՛խտը,
Բա՛խտը,
Բա՜խտն է մեզ ընտրում ...
Ուստի մինչևիսկ սիրառատ հոգին
Նորի՛ց չի սիրում ,սիրում է կրկի՜ն...
1 view
2482
941
5 months ago 00:02:07 1
Պարույր Սևակ - Դու ես մեղավոր ♥
5 months ago 00:02:55 1
Ես քեզ սպասում եմ - Պարույր Սևակ
5 months ago 00:00:56 1
Պարույր Սևակ -| Կանգ առ ժամանակ / Paruyr Sevak -Kang ar zhamak /Կարդում է՝ Ռուբեն Մարգարյանը
5 months ago 00:03:00 1
Պարույր Սևակ «Իսկ ո՞ւր է տարվա մե՛ր եղանակը» Կարդում է` Զարուհի Ասատրյանը
5 months ago 00:02:42 1
Պարույր Սևակ - 100, Երեքնուկ // Երգում է Սուսաննա Սաֆարյանը
5 months ago 00:13:23 1
Փ/Ֆ «Արշալույսից առաջ». Պարույր Սևակ,A21TV
6 months ago 00:05:11 1
ԲԱՑԱՌԻԿ: Էրեբունի - Երևան երգի առաջին կատարումը (1968թ.)