Мәскәү башҡорттары 9 май байрамында Николай Киселев исемендәге скверҙа осрашты

Бөйөк Еңеүҙе тап ошо урында уҙғарыу осраҡлы түгел. Совет Шиндлеры тип йөрөтөлгән Николай Киселев Башҡортостандың Благовещен районында тыуып үҫкән. Һуғыш йылдарында партизан отрядында булған яҡташыбыҙ белорус ауылының 200-ләп кешеһен ҡотҡара. Ул Долгиново ауылының халҡын фронт линияһы аша алып сыға. Ҡаһарман яҡташыбыҙ исемендәге сквер хәҙер Мәскәү башҡорттарынң осрашыу урынына әйләнгән. Николай Киселев исемендәге парк Мәскәү башҡорттары өсөн ябай ғына урын түгел, ул бөйөк яҡташыбыҙҙың яҡты иҫтәлеген мәңгелләштерә. 9 май көнө иһә был сквер яҡташтарҙы бергә йыя, “Үлемһеҙ полк“ акцияһы алдынан осрашыу тап ошонда уҙа. Йыйылыусылар араһында Николай Киселевтың ҡыҙы Татьяна ла бар. Ул атаһы менән ғорурланыуын йәшермәй. Ҡаһарман партизан үҙ ғүмерен ҡурҡыныс аҫтына ҡуйып Белорусиялағы йәһүд ауылының 200-ҙән ашыу кешеһен ҡотҡара. Израилдә Николай Киселевҡа “Донъя халыҡтары илсеһе“ тигән исем бирелгән, йыл һайын ул ҡотҡарған кешеләрҙең 2 меңдән ашыу вариҫтары батырҙы иҫкә алыу өсөн йыйыла. Яңы Арбаттағы Киселев скверы