Кудум кинодогудай! Боомдо жол боюн каптаган рттн рй учурган видеосу

Боом капчыгайынын ар кайсы тилкесинде чыккан өрттүн аянты 50 гектарга жетип, өчүрүүгө 140 адам тартылды. Бул тууралуу Өзгөчө кырдаалдар министрлиги билдирди. Тилсиз жоо Көк-Мойнок-2 айылында, Бишкек — Нарын — Торугарт унаа жолунун жана Бишкек — Балыкчы темир жолунун айланасында катталган. “ӨКМден саат 12:34төн тарта өрт өчүрүүчү унаа тартылган. Жеринде 28 куткаруучу, 1 мотопомпа, Токой чарба кызматынан 26 кызматкер жана 2 мотопомпа (суу сордуруучу каражат), Темир жол кызматынан 20 кызматкер, райондук ички иштер бөлүмүнөн 16, жергиликтүү элден 50 адам иш алып барууда. Алдын ала маалымат боюнча, өрттүн болжолдуу аянты 50 гектарды түзүп, өз-өзүнчө тилкелерден чыккан. Учурда жалынды калктуу конушка жана май коюучу жайга жеткирбөө аракети көрүлүүдө“, — деп айтылат маалыматта. ӨКМ белгилегендей, аймактагы электр чубалгылары жайгашкан жерлердеги өрттү суу менен өчүрүү натыйжа бербегендиктен, эрежеге ылайык кол каражаттары колдонулууда. Ал эми калган жерлерине суу жеткиликтүү берилип, өчүрүү иши жүрүүдө. Тилсиз жоодон жабыркагандар жок.