Алматы облысында көпбалалы бес отбасы баспаналы болды.

Алматы облысында көпбалалы бес отбасы баспаналы болды. Алматы облысындағы Гүлдала ауылында күздің жаңбырлы күніне қарамастан, елдімекенде дүбірлі той. Себебі, бес бірдей көпбалалы отбасы армандарына қол жеткізіп, баспаналы болды. Кірпіші қайырымды жандардың көмегімен қаланған зәулім үйлерге енді 5 отбасы қоныстанбақ. Әр отбасыға берілген пәтердің көлемі 50 шаршы метрді құрайды. Игі істің жаршысы болып, еліміздің бас мүфтиі де арнайы келді. Баспананы 100 ананың ішінен жағдайы ең төмен, көмекке мұқтаждары иемденген. Олар бүгін кілтпен бірге қолдарына үйдің құжаттарын да алды.