Александр Арапов - Эсь велевтеме мон сизян...

Эсь велевтеме мон сизян. Варштамо эсень велев сан — Вечкевикс таркава ютамо, Тикшетнень потмова лытамо. Талайс, талайс тува яксян, Ды ялатеке тень аламо. Тов, косо чуди вишка лей, Тов, косо касы пиже чей, Монь ули мелем сыргамс видьстэ, Тов, косо (колмо эскелькст кистэнть) Каль ули вейке, каль сэрей — Ашти, чатьмони марявиксстэ. Те мон озавтыя каленть... Токавтсынь чувтонтень кедень — Маряви лембекс сэтьме чувтось. Монь эйкакшпингесь тезэнь стувтовсь. Ламо... ламо кадовсь тезэнь. Нурси... нурси седеенть увтось. А. Арапов