Пандемия жұмыссыздар санын 8 есеге арттырды

Көктемде басталған пандемия елдің экономикасына, әсіресе шағын және орта бизнеске ауыр тиді. Мәжбүрлі карантиндік шаралар кезінде миллиондаған адам жұмыссыз қалды. Әуел баста төтенше жағдай туғызған түйткілдерді еңсеруге, жұмыссыздық пен тұралған кәсіпорын, шаруашылық, кәсіпкерлік нысандарына қан жүгіртеміз деп миллиардтар бөлінді. Алайда жұмыссыздар саны азаймады. Осы аптада үкімет мәселені мойындап, сандарды атады Сегіз есе. Бұл жұмыссыздар санының арту көрсеткіші. Бұл сандарды өзге емес, министрдің өзі атады. Десе табыссыз қалғандар миллиондап саналады деп, жаздың басында-ақ көпшілік жұмыссыздық 4.8 пайыз деген статистикаға күдікпен қарап еді. Екі қолға бір күрек таппай жүргендерге қандай жәрдем жасалып жатыр? Жыл сайын жүздеген меморандумға қол қоятын әкімдіктегілер неге жұртты жұмыспен қамти алмады? Мәселенің ендігі шешімі бола ма? #1tvkz #смотримвместе #бастыбағдарлама #Қазақстан