Қалада қорқынышты сайқымазақ пайда болды

Ұлыбританияның Нортгемптон қалашығында тұрғындардың үрейін қашырған қорқынышты сайқымазақ пайда болды. Оның кім екені және не қалайтыны белгісіз. Бетіне бояу жағып, сарғыш түсті жасанды шаш тағып алған ер адам көшеде тұрып, өткен-кеткенге қол бұлғап отырады. Стивен Кингтің кейіпкерлеріне қатты ұқсас сайқымазаққа тұрғындар шағым түсіріп те үлгерген. Дегенмен, тәртіп сақшылары оған мұндай кейіпте жүруге тыйым сала алмайтындықтарын айтуда.