Ադրբեջանցիները քաշքշելով, հայհոյելով, սարուձորով տարան իրենց պոստ.Գաբրիելյանը՝ գերության օրերի մասին

Գայանե Գաբրիելյանը 2023 թ.-ի սեպտեմբերի 19-ին Ադրբեջանի ԶՈՒ լայնածավալ հարձակման հենց առաջին օրը ականապայթյունային վիրավորում է ստացել և ինքնուրույն ու արագ տեղաշարժվելը դարձել է գրեթե անհնարին: Նա Ասկերանի շրջանի Սառնաղբյուր գյուղից է, այդ օրը գյուղից դուրս գալ չէր ստացվել. ադրբեջանցիները մոտ էին, իսկ օգնության որևէ մեկը չէր հասել: Երկու օր 3 համագյուղացիների հետ թաքնվել էին գյուղապետի տանը՝ սպասելով օգնության, սակայն ադրբեջանցիներն արդեն հասել էին Սառնաղբյուր, տակնուվրա արել ողջ գյուղն ու հասել նաև գյուղապետի տանը, ներխուժել ու դուրս հանել բոլորին: Ադրբեջանցիները Գայանեին ու համագյուղացիներին ներկայացել էին որպես «Յաշմա» հատուկ նշանակության ջոկատի անդամներ: «Կեսօրից հետո եկան լցվեցին գյուղը՝ թալանելով փող, ոսկի, նոթբուք, կոնյակ, ում տնից ինչ պատահել է»,- պատմում է Գայանեն: Հարձակման օրը՝ գյուղում, հետո նաև գերության օրերին կատարվածը Գայանեն հիմա սարսափով է հիշում, ասում է՝ եթե միայն օգնություն ուղարկեին, շատերը կփրկվեին, իրենք էլ գերության մեջ չէին հայտնվի: Հավաստի, բազմակողմանի, արագ․ Factor TV-ն իր հետևորդներին է ներկայացնում անկողմնակալ տեղեկատվություն հայաստանյան եւ միջազգային կարեւոր իրադարձությունների մասին։ Ամենօրյա պարբերականությամբ մեր էջում հրապարակվում են իրադարձային վիդեոռեպորտաժներ, վերլուծական, հետաքննական եւ փաստաքննական տեսանյութեր և հեղինակային հաղորդաշարեր։ Հետեւեք նաեւ մեր ուղիղ հեռարձակումներին՝ բոլոր թեժ կետերից։ ՄŠ