Диляфруз Шихмамедова - Назлу Джейран (2009)
Текст песни:
1
Вин патав мугьман яз атанва зун къе.
Гьижрандин залан дерт твамир зи рикIе.
Кьабула зи гъиляй и къизил цуьквер,
Килигна зи чиниз, ая садра хъвер.
Тикрарбенд:
Назлу жейран,
Чид я девран,
Ширин я заз,
Ви манид ван.
2
Чун къужахда кьунвай гуьзел я гатфар,
За лугьузава ваз зи рикIин гафар.
И жегьил уьмуьрда, и хуш девранда,
Ви ашкъи гьатнава килиг, зи чанда.
3
Им гьакIан рахун туш, рикIин хиял я.
Ви кIанивилин за хъванва пияла.
Зи рикIяй ви рикIиз рехъ хьурай гуьзел,
Бахтунин рагъ ала чи кьведан кьилел.
ЧIалар: Шах_Эмир_Мурадов (1913-1996)
Гьава: Эждер_Герейханов (1920-1959)