«Зиннур Йәрмөхәмәтов - үҙ халҡының тоғро улы» китабының исем туйы

21 июндә иртәнге сәғәт 11-ҙә башҡорт әҙәбиәте һәм тыуған яҡты өйрәнеү бүлегендә Ирек Бикмәтов һәм Рәүилә Хәсәнованың «Зиннур Ғөбәйҙуллин - үҙ халҡының тоғро улы» китабының исем туйы үтә. Китапта Сибай ҡалаһын Башҡортостандың Урал аръяғының баш ҡалаһына әйләндереүсе, Башҡорт дәүләт университетының Сибай институтына нигеҙ һалыусы Йәрмөхәмәтов Зиннур Ғөбәйҙулла улының тормош юлы сағыла. Уның күп яҡлы эшмәкәрлеге Башҡортостан Республикаһы район етәкселәренең, ведомство белгестәренең, яҙыусыларҙың, ғалимдарҙың, студенттарҙың, шулай уҡ яҡындарының мәҡәләләрендә сағылыш тапҡан. Сарала ҡатнашыусылар: Зариф Закир улы Байғусҡаров -Рәсәй Федерацияһы Дәүләт Думаһы депутаты; Илдар Сәлихйән улы Хәмитов – педагогия фәндәре кандидаты, доцент, Өфө фән һәм технологиялар университетының Сибай институты директоры; Ирек Ниғәмәт улы Бикмәтов – Башҡортостан Республикаһының атҡаҙанған ауыл хужалығы хеҙмәткәре, ауыл хужалығы фәндәре кандидаты; Расих Әғзәм улы Хәмитов – Башҡортостан Башлығы ярҙамсыһы, Бөтә Донъя башҡорттары Ҡоролтайы рәйесе урынбаҫары; Сәлиә Шәрифйән ҡыҙы Мырҙабаева – медицина фәндәре докторы, Рәсәй Федерацияһы һәм Башҡортостан Республикаһының атҡаҙанған табибы; Хәләф Хәлфетдин улы Ишморатов- Башҡортостан Республикаһының атҡаҙанған мәҙәниәт хеҙмәткәре, Салауат Юлаев ордены кавалеры, Ринат Йәүҙәт улы Нагаев – Башҡортостандың Дәүләт Йыйылышы Ҡоролтайы депутаты, Рәсәй Федерацияһының атҡаҙанған һаулыҡ һаҡлау хеҙмәткәре; Вәкил Исмәғил улы Хажин –педагогика фәндәре кандидаты, Салауат Юлаев ордены кавалеры; Тимур Басир улы Кәримов -Башҡортостандың ғаилә һәм халыҡты социаль яҡлау министры урынбаҫары; Илнур Йәмил улы Тактаев – Башҡортостандың эшҡыуарлыҡ һәм туризм буйынса министр урынбаҫары, Ринат Рәшит улы Ғайсин – Башҡортостандың мәҙәниәт министры урынбаҫары, Таңсулпан Хизбулла ҡыҙы Ғарипова – Башҡортостан Республикаһының халыҡ яҙыусыһы, С.Юлаев исемендәге Дәүләт премияһы лауреаты; Лариса Хашим ҡыҙы Абдуллина -Башҡортостан Башлығы ҡарамағындағы мәҙәниәт һәм сәнғәт советы ағзаһы, шағирә, журналист һәм башҡалар. Сара хәтирәләр форматында уҙғарыла. Китаптың исем туйы уңайынан, Зиннур Ғөбәйҙулла улына арналған, ике йыр ижад ителгән. Сарала, Халыҡ-ара һәм Бөтә Рәсәй йыр конкурстары лауреаты, Раил Хәсәнов башҡарыуында ошо йырҙарҙың премьераһы була. Шулай уҡ Зиннур Ғөбәйҙулла улы Йәрмөхәмәтов тураһында фильм ҡарау көтөлә.