Людмила Христолюбовалы 80 арес тырмысал ВИДЕО

“Востэм, либыт сямо, мукетъёсыныз уз даллашы, верамез кылзоз но малпанзэ пушказ кельтоз“ - ӵапак та кылъёсын вералоз вал Людмила Христолюбова удмуртъёс сярысь. Со быдэс улонзэ калыксэ, солэсь сям-йылолъёссэ эскериз. Та нуналъёсы Людмила Степановналы 80 арес тырмысал. Солэн эшъёсыз туж шуныт кылъёсын тодазы вае чебер, йӧно, гань-гань удмурт кышномуртэз. Нош кельтэм ужъёсыз - уно аръёс ӵоже ӝӧквыл книгаос луозы али ужась но будӥсь тодосчиослы.