UÇMAGA RUGSAT ALAN ILKINJI UÇÝAN AWTOMOBIL

Bir döwür ylmy hyýalyň predmeti bolan uçýan awtoulaglar ýakyn wagtlarda hakykata öwrüler. «Alef Aeronautics» kompaniýasy ýakynda ABŞ-nyň raýat awiasiýasynyň Federal müdirliginden uçuşa ýaramlylygyň ýörite sertifikatyny aldy. «Uçuşa ýaramlylygyň ýörite güwänamasy» diýlip tanalýan bu sertifikat «Model A» adyna eýe bolan uçýan awtomobile synaglara taýýarlygyň çäklerinde berildi. Häli häzire çenli şunuň ýaly ulag serişdeleriniň biri hem Birleşen Ştatlarda şeýle rugsat almandy. «Alef Aeronautics» «Model A» mümkinçiliklerine we howpsuzlygyna dykgat bilen baha berlenden soň ABŞ-nyň raýat awiasiýasynyň Federal müdirligi awtomobil uçuşlara ýaramly diýen netijä geldi. Emma onuň nirede we näme üçin uçup bilýänligine belli bir çäklendirmeler girizildi. Berlen rugsadyň ozalkysy ýaly tejribäniň çarçuwalary bilen çäklendirilendigini hem bellemek gerek.