«Туған Елге Тағзым» - өлкетанулық-зерттеу экспедициясы Таразда

Маусым айының 15 жұлдызынан бастап, 21 жұлдызына дейін Семей қаласындағы физика – математикалық бағытындағы Назарбаев Зияткерлік мектебінің оқушылары «Туған елге тағзым» жобасы бойынша 2000 жылдам астам тарихы бар ата-бабаларымыздың қасиетті жері – Тараз қаласында танымдық экспедицияда болып қайтты. Көненің көзіндей болған қарт Тараз қаласын танып, білу үшін Қазақстанның түкпір-түкпірінен (6 қаласынан) оқушылар жиналды. Бір апта көлеміне дайындалған әрбір күннің өзіндік бағдарламасы ерекше болды.