«Башҡортостан ҡыҙы» журналы ойошторған конкурс еңеүселәре

Республика ҡала-райондарынан һәм сит төбәктәрҙән килгән лауреаттар, билдәле сәхнә оҫталары ҡатнашлығындағы кисә Мифтахетдин Аҡмулла исемендәге Башҡорт дәүләт педагогия университетында үтте. Еңеүселәр төрлө номинацияларҙа билдәләнде. «Әсә йөрәге» конкурсында Сибай институты студенттары Данир Ишбаев «Йөрәгемде асам», Гөлнара Ҡазарбаева « Иң яҡшы режиссер эше һәм артист һәләте», Элина Баҙарғолова «Иң яҡшы видеосюжет авторы» исемле номинацияларҙа иң яҡшыһы тип табылды. Еңеүселәргә Дипломдар һәм иҫтәлекле бүләктәр тапшырылды.