Զոհված հայտարարված զինվորի սրտի զարկը վերականգնվել է. երեք զոհ, երկու վիրավոր ունի հայկական կողմը

Բաժանորդագրվեք մեզ՝ #զոհեր #5tv Հայկական կողմը ոչ թե 4, այլ 3 զոհ ունի Ադրբեջանի սեպտեմբեր-1-յան հարձակման հետևանքով: «Կրկին փորձած ռեանիմացիոն ինտենսիվ միջոցառումների արդյունքում զոհված հայտարարված զինծառայող Նարեկ Կարենի Պողոսյանի սրտի զարկը վերականգնվել է»,- հայտնում է Պաշտպանության նախարարությունը: Նա ծանր հրազենային վիրավորում ունի, ծայրահեղ ծանր վիճակում է: Ռեանիմացիոն գործողությունները զինծառայողի կյանքը փրկելու համար շարունակվում են: Վիրավոր մյուս զինծառայողի վիճակը միջին ծանրության է, կյանքին վտանգ չի սպառնում: Զոհված 3 զինծառայողներից առնվազն 2-ը վարժական հավաքների մասնակից են եղել՝ ըստ լրատվամիջոցների: Ականանետեր ու հրաձգային զենքեր է կիրառել թշնամին այսօր վաղ առավոտից Սոթքի ու Նորաբակի ուղղությամբ: