ВАШЛИЙМАШНА ЙОМО...

Кунам ўжара печкалтеш... (Когда забрезжит заря...) Республикын вуйлатышыжым сайлымаш лишемеш. Илыш тарванылме гай чучеш, а марий илыш пеш начар ворана. Политике шке семынже кадыргылеш, калыкым ондала да а‰ыртылеш. А калык шке семынже ила. Ондалалтеш да чыта. Йодыш гына кугемеш: мыняр ондалалташ да марийлан кушко илен шукташ лиеш?.. Шуко вереже эше марий койыш кодын, марла мутланат, ача-коча деч кодшо йўлам кертмышт да моштымышт семын шуйдарат. Шуко вереже уже тыгай марий тўсшат йомын. Мурышо марийже мура, чонжым луштара. А вес марийже тудымак вурса: таче марийлан мураш огыл, шорташ кўлеш, манеш. Но можо кўлешанрак да пайдалырак, иктыжат пе‰гыдемден каласен ок керт. Сандене пытартыш жапыште «Ял пайрем» манмым шуко вере эртарат. Эртарат тўрлын. Но, шижалтеш да шинчалан перна – пайрем гынат, шўлык кумыл эреак озалана. Вет марий ял-влак пытен толыт, ончычсо йўла (ныжыл муро, весела куштымаш) илалшырак-влак коклаште гына пе‰гыдын аралалтеш. А 15-25 ияш-влак... Кушкын шогалын, ола гычын толыныт, мутланатше рушла