150 милуан сомы рахай кæндзысты Цæгат Ирыстоны промышленон куыстуæтты райрæзтæн

150 милуан сомы рахай кæндзысты Цæгат Ирыстоны промышленон куыстуæтты модернизацийæн. Æмткæй райсгæйæ ацы аз промышленносты регионалон программæты райрæзтæн рахай кæндзысты 3,5 млрд сомæй фылдæр. Æхцайы фæрæзтæ ратдзысты 54 регионæн сæрмагонд æвзарæн конкурсы хатдзæгтӕ хынцгӕйӕ. Йæ домæнтыл ӕнцайгӕйӕ хъуамæ алы проектмæ гæсгæ дæр фæзыной куысты бынæттæ. Уымæй уæлдай ма, паддзахадæй финансон æххуыс райсдзысты, инвестортӕ модернизацийыл кӕм бацархайой, ахӕм куыстуæттæ. Субсидиты руаджы промышленнон куыстуæттæ баххæст кæндзысты, кусæн гæрзтæ æлхæнгæйæ цы схардз кодтой, уыцы фæрæзтæ, стӕй лизингы фиддонты ныхмӕ компенсаци. Бафидæн ма дзы уыдзæн куыстуаты коммуналон лæггæдтæ дӕр. _________________________ Мы рядом в: