Сахаачча музей дьиэтигэр

Саха норуотун кутун-сүрүн туппут, тапталын ылбыт, Саха сирин Аан дойдуга, Сойууска албан аатырдыбыт, үгүс саха ыччатын кыайыыга кынаттаабыт көҥүл тустууга ССРС спордун маастара, киэн туттар биир дойдулаахпыт Николай Захаров-Сахаачча бүгүн төрөөбүт күнэ. Кини 1948 сыллаахха ахсынньы 20 күнүгэр Амма улууһун Амма нэһилиэгэр элбэх оҕолоох Семен уонна Мотрена Захаровтар дьиэ кэргэттэригэр иккис оҕонон күн сирин көрбүтэ. Төһө да кылгас олоҕу олордор, төрөөбүт норуотугар үтүө өйдөбүлү, умнуллубат суолу-ииһи хаалларбыта. Күндү көрөөччүлэрбит, бүгүн биһиги Николай Захаров музей дьиэтигэр ыалдьыттыыбыт. Итиэннэ 2023 сыллаахха кини төрөөбүтэ 75 сылыгар аналлаах Амма - Чурапчы - Дьокуускай телемостан бииргэ төрөөбүттэрин, доҕотторун, сүгүрүйээччилэрин ахтыыларын истэргитигэр ыҥырабыт. Вера Иванова #вольнаяборьба #ссср #чемпион #амга #yakutia #саха #борьба #борец #сахаачча #дом  #музей #воспоминания #кумир