Хуснияр хазрет Аскинский район

Ғәрәпсәнән тәржемә иткәндә Хөснийәр һөйкөмлө, яҡын кеше тигәнде аңлата. Исеме есеменә тура киләлер, ни тиһәң дә хәҙрәттең баҡыйлыҡҡа күсеүенә быуаттан ашыу ваҡыт үткән,ә Асҡын төбәге халҡы һаман да уның атын ҙур ихтирам менән телгә ала. Хәҙрәт тип әҙәпле иҫкә алыуҙары ла дин әһеленең күркәм Асҡын яғы йылъяҙмаһында яҡты һәм сағыу эҙ ҡалдырыуы хаҡында һөйләй. Хөснийәр Диләфкәр улы Өфө губернаһы Бөрө өйәҙенең Иҫке Күскилде ауылында 1854 йылда тыуа.