«Սատանայի ջրաղացը». Ռուբեն Հախվերդյանի՝ չպահպանված հեռուստաներկայացման հետքերով

1975 թվականի գարնանը հայկական հեռուստատեսությամբ եթեր հեռարձակվեց «Սատանայի ջրաղացը» հեռուստաներկայացումը, որը միանգամից մեծ հռչակ բերեց ներկայացման բոլոր մասնակիցներին։ Այն ստեղծագործական մոտեցումներով դարակազմիկ ու նախկինում չտեսնված գործ էր։ Անմիջապես սիրվեց հանրության շրջանում։ Ռեկորդային ցուցադրություն ունեցավ։ Ռուբեն Հախվերդյանի ռեժիսորական դիպլոմային աշխատանքն էր ու վերջինը որպես այդպիսին։ «Սատանայի ջրաղացը» հայկական առաջին գունավոր հեռուստաներկայացումն էր։ Ժապավենը չի պահպանվել։ Ռուզան Խաչատրյանի («Հայտնի անհայտը», Հ1, 2010թ.) զրուցակիցները մոտ 40 տարվա հեռվից նույն ոգևորությամբ պատմում են իրենց համատեղ հրաշալի արարման մասին։