Յերուսաղենի համայնքը հզոր է, և մենք ապացուցեցինք, որ կարող ենք տեր կանգնել մեր հողերին․Սեդրակ Պալյան

Հայոց պատրիարքարանը վերջերս չեղարկել է «Կովերի պարտեզի» գործարքը։ Չեղարկմանն օրինական պատասխան տալու փոխարեն՝ կառուցապատողները փորձել են շինարարություն իրականացնել «Կովերի պարտեզ» կալվածքում։ Նրանք ամբողջությամբ անտեսել են Պատրիարքարանի օրինական դիրքորոշումն այս հարցում՝ փոխարենն ընտրելով սադրանքի մարտավարություն։ Alpha News-ը ուղիղ եթերում խոսել է «Save the ARK» շարժման հիմնադիր Սեդրակ Պալյանի հետ, ով տեղում ներկայացրել է իրավիճակը։ «Նամակը ստանալուց հետո իրենք սկսեցին քանդել պատը։ Նրանց ինչ-որ չափով դա հաջողվել էր, բայց համայնքը հոգևորականների և պատրիարքարանի հետ միասին նրանց կանգնեցրեց։ Մի քանի օր անց նրանք սկսեցին հարձակվել մեր վրա զինված վերաբնակների և շների հետ՝ կարծելով, որ համայնքը խաղաղ, բայց վախկոտ համայնք է։ Մենք իրենց ապացուցեցինք, որ Երուսաղեմի հայկական համայնքը ուժեղ է ու պաշտպանելու է իր հողը»,- ասաց Պալյանը։ Մանրամասն `տեսանյութում