Füzuli-Hadrut avtomobil yolunun tikintisi sürətlə davam etdirilir

Avtomobil yolunun uzunluğu 12 km-dir və 4 hərəkət zolaqlı olacaq. Yolun hərəkət hissəsinin eni müvafiq olaraq 14 metr təşkil edəcək. Yol başlanğıcını “Zəfər Yolu”ndan götürməklə yeni inşa edilən Şükürbəyli-Cəbrayıl-Hadrut yoluna birləşir. Avtomobil yolunda hazırda torpaq işləri icra olunur: - yolun genişləndirilərək profilə salınması, - yeni torpaq yatağının inşası işləri həyata keçirilir. - Əraziyə lazımi sayda qüvvə cəlb edilib. Artıq ilk 8 km hissədə torpaq işləri və yol yatağının tikintisi 50% icra olunub. Avtomobil yolunda torpaq yatağının inşası ilə yanaşı: - yol boyu müxtəlif diametlərə malik suötürücü boruların, - 1 dördbucaqlı su keçidinin tikintisi də layihə üzrə aparılır. - Yolun 6.7 km-də iki aşırımlı körpünün inşası nəzərdə tutulub. Tikinti işləri “İnşaat Norma və Qaydaları”nın tələblərinə əsasən həyata keçirilir. Füzuli-Hadrut avtomobil yolu işğaldan azad edilmiş Füzuli və Xocavənd rayonlarının ərazisindən keçir. BÜTÜN YOLLAR QARABAĞA APARIR...