ငွေလိမ်လုပ်ငန်းတွေရှိနေကြောင်း စောချစ်သူဝန်ခံံံံပြီ၊ မြဝတီကိုထိလာရင် ခုခံမယ်လို့ဆို

ငွေလိမ်လုပ်ငန်းတွေရှိနေကြောင်း စောချစ်သူ ဝန်ခံ မြဝတီကိုထိလာရင် ခုခံမယ်လို့ဆို …….. မြန်မာနိုင်ငံတောင်ပိုင်းတွင် ကြီးထွားနေသည့် အွန်လိုင်းငွေလိမ်လုပ်ငန်း၊ လောင်းကစားအပါဝင် တရားမဝင် လုပ်ငန်းများကို ပါဝင်လုပ်ကိုင်နေသော ကရင်နယ်ခြားစောင့်တပ် (BGF)၏ စီးပွားရေးလုပ်ငန်းများကို ခေါင်းဆောင်ဖြစ်သူ စောချစ်သူနှင့် ၎င်းမိသားစုက ချုပ်ကိုင်ထားသည်ဟု သုတေသနအဖွဲ့တစ်ခုဖြစ်သည့် Justice For Myanmar (JFM)ဖော်ထုတ်ထားသည်။ ကရင်ပြည်နယ်၊ မြဝတီမြို့၊ ရွှေကုက္ကိုမြို့သစ်တဝိုက်ရှိ အွန်လိုင်းငွေလိမ်လုပ်ငန်းများမှာ ကြီးထွားလျက်ရှိပြီး၊ ထိုနေရာများမှာ စစ်တပ်ကျောထောက်နောက်ခံပေးထားသည့် BGF ထိန်းချုပ်နယ်မြေများလည်း ဖြစ်သည်။ BGFထိန်းချုပ်နယ်မြေအတွင်း ငွေလိမ်လုပ်ငန်းများ လုပ်ကိုင်နေသည့်အခြေနေကို ဗိုလ်မှူးကြီး စောချစ်သူက ဝန်ခံခဲ့သည်။ ဗိုလ်မှူးကြီး စောချစ်သူ ကို Myanmar Now က ဆက်သွယ်မေးမြန်းထားသည်။ မေးမြန်း၊ တည်းဖြတ် - မောင်ရွှေဝါ၊ ဟန်သစ်