74 харлыында ГТО-нуң алдын хөрек демдээн дужаап алган.

74 харлыг Александр Бойдуевич Ооржак - 2 оол, бир кыстың адазы, 9 уйнуктарның кырган-ачазы. Тываның композиторлар эвилелиниң кежигүнү Александр Ооржак “Шурун-чараш Херелемаа”, “Чараш оран”, “Серге кежи чоорган” болгаш өске-даа ырларның аялгазын чогааткан. Тываның күрүне университединге тыва хүреш маргылдаазынга мөге салыр талазы-биле бир айның курстарынга өөренип алган. А эрткен 2019 чылда, ГТО-нуң күш-дамыр белеткелиниң талазы-биле негелделерин алдын хөрек демдээнге дужаап алган. Амыдыралда солун кижилерниң бирээзи, идекпейлиг хөй-ниитичи өгбе дугайында дараазында репортажты “Тува 24” телеканал бараалгадып тур.