АҒИНӘЙҘӘР йыры Фәүзиә Ҡотлогилдина һүҙҙәре Мәрйәм Солтанова көйө

АҒИНӘЙҘӘР ГИМНЕ Фәүзиә Ҡотлогилдина һүҙҙәре Мәрйәм Солтанова көйө Милләтемдең ҡот, ырыҫын һаҡлап Ағинәйҙәр сафҡа баҫтылар, Һәр ауылда усаҡ тоҡандырып Тирмәләрҙә ҡаҙан аҫтылар. Ағинәйҙәр рухты яңырталар. Аҡ күңелле сибәр ағинәйҙәр, Ауыл күрке матур апайҙар, Ғөрөф-ғәҙәт, йолаларҙы һаҡлап Киләсәккә ҡарап атлайҙар. Ағинәйҙәр алға әйҙәйҙәр. Балҡыш һибеп тирә-яҡтарына Ялҡынланып яна йөрәктәр, Өмөттәргә ышаныстар ҡуя Һеҙ теләгән изге теләктәр, Ағинәйҙәр фәтихә бирәләр. Сағыу, матур, милли кейемдәрҙә Иман тулып балҡый йөҙөгөҙ, Яҡты нурҙар сәсә күңелегеҙ, Ауыл ҡото һеҙ бит үҙегеҙ, Ағинәйҙәр -халҡым рухы һеҙ! Фәүзиә Ҡотлогилдина –АЛТЫНБИКӘ Был йырыбыҙ барлыҡ Башҡортостан Ағинәйҙәренә бүләк!