Репортажи Додоҷон Атовуллоев

ТАҶОВУЗИ ОЗОДӢ ва ё сатре чанд дар ҳошияи «Тӯфони Ал-Ақсо» Наворҳоро аз навори Ғазза тамошо мекунам ва чашмам чашма мешавад. Аммо намегӯям, ки ман гиря кардам. Номардон механданд ва мегӯянд: «мардон намегирянд». Фаластин фоҷиаи ИНСОНИСТ. Гург гургро намехурад. Аммо дар Фаластин ҳоло гургҳои дупо хонаҳои 15-20 ошёнаро бомбаборон мекунанд. Ва қурбониёнро гӯр нокарда, ҳисобот медиҳанд, «дирӯз 1000, имрӯз 2000 лонаи террористонро хароб кардем». Ҳафт даҳ сола аст, ки мардуми Фаластинро давлати Исроил таҳқир мекунад, зиндон мекунад, мекушад, хонаашро месӯзонад, дар заминаш хона месозад ва ҷаҳон бепарвоёна тамошо дорад. Мисли имрӯз. Ба ҷуз баёнияҳои бебунёду бесуд. Зинда бод Фаластин! Зинда бод Донишгоҳи байналмилалии ватандорӣ ва озодагӣ! Зинда бод пойтахти шараф ва номус! Зинда бод сарзамине, ки аз хун сурх гаштааст ва инсониятро аз рӯсиёҳӣ дар амон медорад! Д. А. #palestine #германия #новости