Зотова: “Гапи Раҳмон ба Путин ба ман маъқул шуд“

Баъди ҳамлаи маргбор ба толори консертии Крокус дар канори Маскав, рӯзи теъдоди зиёде аз муҳоҷирони тоҷику дигар кишварҳои Осиёи Марказӣ сиёҳ шуд. Бадрафторӣ бо онҳо авҷ гирифт, рондани онҳо аз Русия зиёд шуд ва озору азият ба ҳар баҳона маъмулӣ гашт. Бегонаситезӣ, ки ҳамеша дар ҷомеаи Русия ба навъе вуҷуд дошт, дигарбора хуруҷ кард. Имрӯз дар бораи тақдири муҳоҷирони тоҷик дар Русия бо Наталя Зотова, пажуҳишгари рус, корманди Донишгоҳи тиббии ба номи Алберт Эйнштейн дар Ню Йорк суҳбат кардем, ки вазъи муҳоҷирони тоҷикро дар Русия ва аҳволи оилаҳои онҳоро дар Тоҷикистон зиёд таҳқиқ кардааст.