Священномученик Ириней,епископ Лионский

Служба с каноном священномученику Иринею Лионскому Припев: Священному́чениче Ирине́е, моли́ Бо́га о на́с. Память: 05 сентября (23 августа ст. ст.) Глас 4. __ Священномученику Иринею,епископу Лионскому Тропарь святителю, глас 4. Апостолов сопрестольник и святителей украшение / был еси, Иринее Богоблаженне, / мученически прославився, / возсиял еси, якоже солнце, всех просвещая, / и разрушил еси безбожия нощь глубокую. / Сего ради тя почитаем, // яко велика таиника Божия благодати. Иной тропарь святителю, глас 1. Брег морский Асии Малыя / рождеством и юностию твоими хвалится, / славне священномучениче Иринее, / и град Лионский, / сильным огражденный предстательством твоим, / величает милосердаго Бога нашего. / Галлия ликует / о мучении твоем за Христа, / вся же Церковь Православная / непрестано радуется, / чистотою учения утвержденная, / егоже проповедал еси, / миром Христовым духовныя бури уставив, // яже обыдоша души наша. Кондак святителю, глас 6. В Дусе и истине / Троицу Святую почитая, / о преславне священномучениче Иринее, / словеса Апостольская во уме держа, / созидающею души любовию / суетнаго разума кичащаго / отвратился еси, / и пустым и лжи исполненным / еретическим измышлением противуста, / тако и овцы стада Христова / сквернаго недуга еретическаго / удержа и сохрани. / Сего ради, Триединаго Бога хвалящее, / песньми тя прославляем // яко блаженнаго миротворца. Величание Велича́ем тя,/ священному́чениче Иринее,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего. Молитва О великий святителю Христов Иринее, словеса истины евангельской из уст мужей апостольских восприемый! К тебе припадаем и молимся тебе: призри на нас с высоты Небесныя славы, прибегающия ко твоему заступлению и испроси нам благоденственное и мирное житие, здравие и спасение и во всем благопоспешение; ищущим Бога, во тьме неверия и отчаяния сущим - просветление. Помоги и отступившим от православныя веры и погибельными ересьми ослепленным в разум Истины придти и сопричти их святой Христовой Церкви. Помогай всем православным христианом святыми твоими молитвами ко всемогущему Богу, избавитися от нравов языческих, гибельных ересей и сект и лжеучений лукавых. Да твоими молитвами сохраняеми, славу, благодарение и поклонение Творцу всяческих и Богу возсылаем: Отцу и Сыну и Святому Духу во веки веков. Аминь.