Raisa Mkrtchyan - Im Yerevan (Armenian song)

Ալեքսեյ Հեքիմյանի «Իմ Երևան» երգն է՝ Ռաիսա Մկրտչյանի կատարմամբ։ Խոսք՝ Գևորգ Էմինի։ Երգի խոսքերը՝ Ես սիրո՜ւմ եմ քեզ, Երևա՛ն, Եվ չգիտե՜մ ինչի համար. Սիրուն ի՜նչ դատ ու ի՜նչ դիվան, Որ իմանամ ինչի՛ համար: Քարե՛րը քո հին բերդերի Նոր սյուների ու զարդերի, Ոսկեփոշի՜ն քո մայթերի- Եվ չգիտեմ ինչի՛ համար: Կուզեմ լինեմ Նորքի նման, Ծաղկեմ ամեն եկող գարնան. Փաթաթվե՜մ քեզ ու հիանամ- Եվ չգիտեմ ինչի՛ համար: Կամ լինեմ այս քամին լոթի Եվ, հարբած քո անուշ հոտից, Քեզ զո՛վ անեմ ամռան տոթին Ու... չիմանա՜մ ինչի համար: Քեզ զո՜վ անեմ, դու զովանա՛ս, Դալա՜ր մնաս ու զորանա՛ս, Ես քամու պես գնա՜մ-կորչեմ Ու... չիմանա՜մ ինչի համար: Գնա՛մ, պատմեմ նոր ու նորից, Որ աշխարհի քաղաքներից, Քե՜զ եմ սիրում ամենից ջերմ- Ու... չգիտե՜մ ինչի համար...