Ахбори ✅✅Тоҷикистон ва ҷаҳон ()اخبار تاجیکستان .(Нашри дуюм)

Ҷараёни интихобот аз назари худи раъйдиҳандагон. Хабарнигори Радиои Озодӣ дар шаҳри Душанбе аз чанд раҳгузар пурсид, ки оё дар интихобот ширкат карданд ё не. Назарашон ба ҷараёни раъйдиҳӣ чӣ аст ва фазои интихобот чӣ гуна буд? Комиссияи марказии интихобот ва раъйпурсии Тоҷикистон эълон кард, ки дар интихоботи порлумонӣ бештар аз бештар аз 75 дар сади мардум ширкат кардаанд ва интихобот баргузоршуда ба ҳисоб меравад. Дар ин бора хабарнигорони Радиои Озодӣ, ки дар қароргоҳи комиссия ҳузур доранд, хабар доданд. Ба гуфтаи мақомоти комиссия 3 миллиону 700 ҳазор нафар то соати 3 ба вақти Душанбе дар раъйдиҳӣ ширкат кардаанд. Бахтиёр Худоёрзода раиси комиссия тариқи пахши мустақим аз шабакаҳои телевизиони давлатӣ гуфтааст, ки дар 3412 маркази раъйдиҳӣ шароит барои “интихоботи шаффофу одилона“ муҳаё карда шуд. Хабарнигорони Радиои Озодӣ ва корбарони шабакаҳои иҷтимоӣ ҳангоми инъикос ва мушоҳидаи раъйдиҳӣ қонуншиканиҳо, аз ҷумла раъдиҳӣ аз номи дигар касро мушоҳида карданд ва ба навор гирифтанд. Масъулони КМИР дар с