Невеста Неневестная (Афонский распев)

Владычице Пречистая, Царице, Мати Божия: Радуйся, Невесто Неневестная. Святая Дево чистая, руно, росу приявшее: Радуйся, Невесто Неневестная. Небесъ светлейшихъ высшая, самихъ лучей светлейшая: Радуйся, Невесто Неневестная. Девичьихъ ликовъ радосте, безплотныхъ силъ святейшая: Радуйся, Невесто Неневестная. Небесныхъ высей светлая, Всевышняго селение: Радуйся, Невесто Неневестная. Марие приснохвальная, Владычице всепетая: Радуйся, Невесто Неневестная. Подательнице кроткая надежды и покрова: Радуйся, Невесто Неневестная. Чертоже приснодевственный, кивоте Бога Слова: Радуйся, Невесто Неневестная. Отроковице тихая, виновнице спасения: Радуйся, Невесто Неневестная. Благоуханный цвете пречистейшаго девства: Радуйся, Невесто Неневестная. О славнейшая серафимъ, и херувимъ честнейшая: Радуйся, Невесто Неневестная. Премирныхъ ликовъ ангельскихъ восторгъ и удивление: Радуйся, Невесто Неневестная. Ты предстоиши Сыну у самаго Престола: Радуйся, Невесто Неневестная. Твоей взыскую милости, Родительнице Слова: Радуйся, Невес