Жамбылдық жасөспірімдер жүген салынбаған асауды тақымдау үшін таласқа түсті

Тай үйрету жарысы өңірде жақсы дәстүрге айналып келеді. Топ жарғандар тарту-таралғысыз қалмайды. Ауыл тұрғындары «ұлттық спорттың бұл түрі балаларды зиянды әдеттерден аулақ болып, өжеттік пен қайсарлыққа баулиды»,-дейді. Бұл - Балуан Шолақ ауылында жұма сайын өтетін жиын. Ауылдың атқа құмар азаматтары ұйымдастырған жарысты еңбектеген баладан, еңкейген кәріге дейін қызықтайды. Бас жүлдеге тігілген тай кімге бұйыратыны бәріне қызық.